HİKMƏTLİ SÖZLƏR

Yazar: rahib699 @ Mart 14, 2008 1:07

Uğur bəlkə insana çox şey öyrətməz,
ancaq uğursuzluq çox şey öyrədər

(Çin atalar sözü)

Hər bildiyini söyləmə, ancaq hər söylədiyini bil...
Marsel Lenoir
* * *
Ən yaxşı yolu tapmaq, ən pisini tapmaqdan daha asandır...
Sir Tomas Mor
* * *
Sənətin vəzifəsi, təbiətin surətini çıxarmaq deyil, təbiəti ifadə etməkdir...
Balzak
* * *
Heç bilənlərlə bilməyənlər bir olarmı...
* * *
Öncə çalışın, sonra dincəlin...
Puşkin
* * *
Düşünmədən öyrənmək, vaxt itirməkdir...
Konfuçyus
* * *
Çalışmayana Allah yardım etməz...
Sofokl
* * *
Çalışmaq həyat, düşünmək işıqdır...
Viktor Hüqo
* * *
Hər zaman axtarışda ol, bir gün qızıl axtararkən mis taparsan, sabah mis axtararkən qızıl taparsan...
Dekart
* * *
Elm bölüşüldükcə artan xəzinədir...
Bhartrihari
* * *
Elm sərvətdən daha qiymətlidir. Çünki sərvəti sən qoruyursan, halbuki elm səni qoruyur...
Hz. Əli (r.a.)
* * *
Həyatını aldıqlarınla qazanarsan, ancaq verdiklərinin üzərinə bina edərsən.
Uinston Çörçill
* * *
Müsibət zəkanı tərbiyə edər.
* * *
Minlərlə kilometrlik bir yol da çox kiçik bir addımla başlayır.
* * *
Dərd, Rəbbinə gizlicə çağırmağına səbəb olduğuna görə, bütün dünya malından daha yaxşıdır...
* * *
Şəfamız, öz daxilimizə baxa bilməkdədir.
* * *
Tənhalıq pis dostdan yaxşıdır.
* * *
Su qabını daşlığa aparan kimsə, onu daşdan qorumağı öyrənməlidir.
* * *
Aşıq qızıla bənzəyir, bəla isə atəşə.. Xalis qızıl atəş içində yaxşıdır.
* * *
Eyibsiz dost axtaran dostsuz qalar..
* * *
Kasıba verilən, hələ onun əlinə keçməmiş Allaha çatar...
* * *
Nə qədər bilirsənsə bil, söylədiklərin qarşındakının anlayacağı qədərdir...
* * *
Nə xoşbəxtdir o insan ki, öz ayıbını görə bilir.
* * *
Bir şam digərini yandırmaqla işığından heç nə itirməz.
* * *
Allah ilə olduqdan sonra ölüm də ömür də xoşdur...
* * *
Könlü işıq yandırmağa və aydınlanmağa öyrənən insanı günəş belə yandıra bilməz. Gündüz kimi işıq vermək istəyirsənsə, gecəyən bənzəyən mənliyini (ənaniyyət) yandır...
* * *
Bəzi insanlar var ki, salam verərlər və salamlarından his iyi gələr. Bəziləri də var ki, salam verərlər və onların salamından misk (müşk) qoxusu gələr.
* * *
Madam ki, özündə bir dərd və ya peşmanlıq hiss edirsən; bu Allahın sənə yardımının və sevgisinin bir dəlilidir.
* * *
O, hər şeyi ilə gözəldir; Ona aid olan və Ondan gələnlər də gözəldir. Həm o qədər gözəldir ki, ayıq-sayıq bir könül, görüb tamaşa etdiyi hər şey üzərində Ondan bir qisim ima və işarələr aldıqca damarlarında qanı çəkilir kimi olar və Onunla bir anlıq vüslat - qovuşma adına canını fəda etməyi belə az görər...
* * *
Könül adamı, nəfsinin istəmədiyini başqaları üçün də istəməməkdən başqa; öz xoşuna gələn hər şeydən, başqalarının faydalanması üçün çırpınar; hətta bunun uğrunda ölüb-ölüb dirilər.