«Azadlıq» bloku və ANIF-in təşkilatçılığı ilə Müstəqil Media Mərkəzində demokratik düşərgənin tədbiri keçiriləcək

“Azadlıq” bloku hakimiyyətin Konstitusiyaya etdiyi mürtəce dəyişikliklərlə bağlı martın 18-də keçiriləcək referenduma qarşı ümumxalq hərəkatının yaradılması uğrunda aktiv fəaliyyətə başlayıb. Xatırladaq ki, bir neçə gün öncə “Azadlıq” blokunun liderləri AXCP sədri Əli Kərimli, ALP lideri Lalə Şövkət, VIP sədri Əli Əliyev və Azərbaycan Naminə Ictimai Forumun(ANIF) prezidenti Eldar Namazov bir araya gələrək martın 18-də keçiriləcək referendumla bağlı müzakirələr aparıblar.

Azərbaycan hansı mövqeyi tutacaq?

Rauf Mirqədirov: «Azərbaycan hakimiyyəti Rusiyanın şıltaqlığından asılı olmaq fikrində deyil»
2009-cu ilin ilk günləri Rusiyanın Ukrayna, Türkiyə, bəzi Avropa ölkələrinin qazını kəsməsi ilə yadda qaldı. Qışın sərt vaxtında qazın nəqlinin dayandırılması alternativ kəmərlərlərlə bağlı məsələnin yenidən gündəmə gəlməsinə səbəb oldu.
 Bu, ilk növbədə NABUKKO layihəsi ilə bağlıdır. Artıq layihənin reallaşdırılmasının sürətləndirilməsi və Azərbaycanla iş birliyinin genişləndirilməsinin vacibliyi məsələsi gündəmə gəlir. Xatırladaq ki, bir müddət öncə Rusiya tərəfi Azərbaycan qazının öz ərazisindən nəql edilməsi ilə bağlı danışıqlara başlamışdı. Indiki vəziyyətdə Rusiyanın yenidən istəyinə nail olmaq istiqamətində fəaliyyətə başlayacağı gözləniləndir.

Referendum milyonları göyə sovuracaq
Yeni başlayan 2009-cu il ölkədə keçiriləcək referendumla yadda qalacaq. Bu referendumda bir sıra ciddi dəyişkənliklərin baş verəcəyi gözlənilir. Dəyişikliyin biri budur ki, Prezident Aparatı Prezident Administrasiyası, Milli Bank isə Mərkəzi Bank adlanacaq. Təkcə sonuncu qurumun adına nəzər salsaq görərik ki, onun yenisiylə əvəz edilməsi ölkədə pulların dəyişməsi məsələsini gündəmə gətirəcək.
Xatırladaq ki, sonuncu dəfə Azərbaycanda təkcə dövriyyədə olan pulların yenisiylə əvəzlənməsi üçün 16 milyon manat vəsait sərf edilmişdi.

Eldar Namazov: «Bu, təkcə müxalifətin işi kimi başa düşülməməlidir»

“Azadlıq” bloku və “Azərbaycan Naminə” ictimai birlik bu il martın 18-də keçirilməsi nəzərdə tutulan referendumun əleyhinə Təşviqat Qrupu yaradılması üçün danışıqlar aparır. Bu barədə “Turan”a “Azərbaycan Naminə” Forumun prezidenti Eldar Namazov bildirib. Konstitusiyaya dəyşikliklərlə bağlı Təşviqat Qrupu yaradılması haqda qanunun tələbinin demokratik prinsiplərə zidd olduğunu deyən E.Namazov bunu həm də siyasi partiyaların etirazını ifadə etməsinə qoyulan maneə adlandırıb. Onun fikrincə, fərdi qaydada təşəbbüsə imkan verilməməsi, 40 min insanın imzasının toplanması ilə etirazların ifadə oluna bilməsi kifayət qədər mürəkkəb proses olmaqla yanaşı, həm də cəmiyyətin etirazlarına qarşı olan qadağalardır:

Əli Kərimli: «Ilham Əliyev Səddam Hüseyndən, Miloşeviçdən, Pərviz Müşərrəfdən artıq diktator olası deyil»

“Qarşıdakı referendum hakimiyyət üçün sonun başlanğıcı ola bilər”

(Əvvəli ötən sayımızda)
- Müxalifətin birliyi ilə bağlı bir müddət əvvəl də bir sıra təşəbbüslərdə bulunmuşdunuz. Amma müəyyən səbəblərdən Müxalifətin Əməkdaşlıq Mərkəzində əldə olunmuş birlik daha da dərinləşə bilmədi. Sizcə, bu dəfə buna nə dərəcədə nail olmaq mümkündür?
- Hesab etmirəm ki, Müxalifətin Əməkdaşlıq Mərkəzindəki səylərlə, referenduma qarşı yaranacaq birliklə bağlı səyləri eyniləşdirmək düzgündür. Müxalifətin Əməkdaşlıq Mərkəzindəki addımlar siyasi birliyin yaradılması üçün atılırdı. Yeni yaranacaq birlikdə isə yalnız siyasi partiyaların yox, vətəndaş cəmiyyətinin də iştirakını nəzərdə tuturuq. Açığı hansısa uzunmüddətli təşkilatın, siyasi blokun yaranmasından söhbət getmir. Söhbət referendum əleyhinə ümumi platforma formalaşdırmaqdan gedir.